Фота з архіва Н. Карнялюк.   
Фота з архіва Н. Карнялюк.   

Загадчыца кардыялагічнага аддзялення Ваўкавыскай ЦРБ Наталля Карнялюк родам з суседняга Мастоўскага раёна. Пасля Гродзенскага медыцынскага інстытута праходзіла інтэрнатуру ў гэтай бальніцы. Неўзабаве выйшла замуж, ды так і засталася тут назаўжды.

 

— Не шкадую, што атрымалася менавіта так, — усміхаецца субяседніца. — З дзяцінства не сумнявалася, што буду доктарам. У старэйшага брата таксама медыцынская адукацыя, але ён не ў практычнай медыцыне. Калі праходзіла інтэрнатуру, была ў гэтым жа аддзяленні, якім загадваў тады цудоўны чалавек і вопытны спецыяліст Аляксандр Мікалаевіч Менча — дапамагаў і добрым словам, і парадай. Сямнаццаць гадоў працавала ўрачом-кардыёлагам у паліклініцы, тры апошнія — у стацыянары. З кастрычніка мінулага года загадваю кардыялагічным аддзяленнем на 40 коек.

 

За апошнія два дзесяцігоддзі, на думку Наталлі Генадзьеўны, шмат што змянілася.

 

— Цяпер у кардыёлагаў мноства медыцынскіх прэпаратаў, якія ёсць у наяўнасці ў стацыянары, — разважае доктар. — Мы можам падбіраць эфектыўныя камбінацыі для лячэння пацыентаў кардыялагічнага профілю. З’явіліся новыя падыходы ў лячэнні артэрыяльнай гіпертэнзіі.

 

У апошнія гады сталі больш даступнымі лячэнне, кансультаванне і рэабілітацыя ў Гродзенскім абласным клінічным кардыяцэнтры. 

 

— Былі пацыенты, якіх я ўпершыню адпраўляла ў кардыяцэнтр на хірургічную карэкцыю, — распавядае Наталля Генадзьеўна. — Потым доўгі час сачыла за іх жыццём…

 

Засмучае тое, што ў жыцці стала больш стрэсавых сітуацый. Маладзеюць інфаркты міякарда. Асабліва гэта датычыць мужчын ва ўзросце 50–55 гадоў. На жаль, пакуль чалавек не трапіць у стацыянар, здароўем ён не займаецца…

 

Калі прыйшла пандэмія, доктар Карнялюк пачала лячыць ковідных хворых, асабліва з кардыялагічнымі ўскладненнямі ды паталогіямі. Першая хваля прайшла лягчэй. Было меней цяжкіх пацыентаў. Цяпер усё больш складана. Запатрабаваныя ўсе кіслародныя кропкі...18 фото Корнелюк НjpgЗ’явілася шмат напрацовак у лячэнні такіх пацыентаў, але багата і незразумелага. Напрыклад, як адгукнецца арганізм праз пэўны час пасля перанесенай хваробы. Пакуль можна толькі меркаваць,

лічыць доктар.

 

— Па першым часе было няпроста, — успамінае Наталля Генадзьеўна. —  Асабліва ў спёку… Але паступова ўсё стала на свае месцы, мы адаптаваліся. Ды нават у такіх умовах мне падабаецца мая справа.

 

Каб не канцэнтравацца на адмоўных эмоцыях, Наталля Генадзьеўна імкнецца быць у пазітыўным настроі, дарыць сабе і родным маленькія радасці.

 

— У нас свой дом, які я люблю ўпрыгожваць, — расказвае доктар. — Люблю кветкі, асабліва лілеі. Падабаецца гатаваць смачныя і арыгінальныя стравы. На Каляды, напрыклад, я прыгатавала качку ў мядова-гарчычным соусе. Усім спадабалася!


Калядны рэцэпт ад Наталлі Карнялюк

 

Качка ў мядова-гарчычным соусе

 

Качку прамыць і прасушыць. Нацерці яе спецыямі зверху і ўнутры (звычайна гэта соль, перац, каляндра), памазаць аліўкавым алеем і паставіць на ноч у халадзільнік. Укласці начынку з парэзаных кісла-салодкіх яблыкаў і запякаць у рукаве ў духоўцы пры тэмпературы 180 °С. Калі запячэцца, дастаём з духоўкі, разразаем рукаў, змазваем качку мядова-гарчычным соусам: 1 стал. лыжка мёду, 1 стал. лыжка гарчыцы. Запякаем да румянай скарыначкі яшчэ 15–20 хвілін.

 

Смачна есці!


Недостаточно прав для комментирования

При копировании или цитировании текстов активная гиперссылка обязательна. Все материалызащищены законом Республики Беларусь «Об авторском праве и смежных правах».