Медсёстры аддзялення гемадыялізу Вікторыя Кадлубай, Наталля Грышкавец, Вольга Гірза і ўрач-нефролаг Дзмітрый Лісечка. Фота Таццяны Сталяровай, «МВ».
Медсёстры аддзялення гемадыялізу Вікторыя Кадлубай, Наталля Грышкавец, Вольга Гірза і ўрач-нефролаг Дзмітрый Лісечка. Фота Таццяны Сталяровай, «МВ».

Галоўны ўрач Карэліцкай ЦРБ, дэлегат шостага Усебеларускага сходу Данута Скварада родам з суседняга Навагрудскага раёна. У гэтай медыцынскай установе працуе 25 гадоў, 2 апошнія — на пасадзе галоўнага ўрача. Под яе началам калектыў з 490 чалавек. А ўсяго ў раёне 19 тысяч жыхароў.

 

Данута Скварада:

 

Складанасць у тым, што людзі старэюць, у нас няма буйных прамысловых прадпрыемстваў, і моладзь з’язджае з вёсак. У некаторых жыве літаральна па некалькі чалавек. Хочацца арганізаваць мабільную медыцыну, каб мы маглі аператыўна даехаць да кожнага, не толькі аказаць медыцынскую дапамогу, а часам і проста выслухаць. Гэта вельмі важна.

 

Да мяне часта заходзяць людзі. Хто з бядой, а хто і з радасцю. І я ніколі не шкадую часу, каб пагаварыць з чалавекам. Лепей вазьму сваю папяровую працу дамоў, але прысвячу ўвагу таму, хто мае ў гэтым патрэбу. Вучу гэтаму і калег. Мы мусім несці адказнасць за гонар белага халату. 

 

фоторепортаж Карэлицкая ЦРБ 7Данута Скварада, галоўны ўрач Карэліцкай ЦРБ.

 

Урач-тэрапеўт Вераніка Звонка таксама мясцовая, з вёскі Жухавічы Карэліцкага раёна. Пасля БДМУ прайшла тут інтэрнатуру і засталася працаваць.

 

 Вераніка Звонка:

 

Я тут ужо 4 гады. Праз 2 гады пасля інтэрнатуры была ўжо ўрачом-тэрапеўтам. Адзіным. Сёння працую з пацыентамі нашага ізалятара, у якіх ёсць падазрэнне на каранавірусную інфекцыю. А яшчэ кансультую ва ўсіх аддзяленнях і гляджу ў прыёмным пакоі тых, каго прывезла машына хуткай дапамогі.

 

фоторепортаж Карэлицкая ЦРБ 3Вераніка Звонка, урач-тэрапеўт Карэліцкай ЦРБ.

 

Пандэмія стала для ўсіх нас сапраўдным выпрабаваннем. Дату 6 красавіка 2020 года запомніла на ўсё жыццё. Тады перапрафіліравалі хірургію і пачалі прывозіць першых кавідных пацыентаў. Памятаю ўсіх. Пазнаю, калі заходжу ў іншыя аддзяленні, сустракаю ў паліклініцы ці на вуліцы. Асабліва запомніліся цяжкія, якіх даводзілася літаральна ратаваць ад смерці… Палова пацыентаў атрымлівалі кіслародную тэрапію.

 

Другая хваля пандэміі наогул была дастаткова складанай. Было больш пацыентаў і больш цяжкіх. Кансультавалі нас і гродзенскія спецыялісты, і сталічныя медыкі. Цяпер кавідных пацыентаў даглядаюць у міжраённым аддзяленні Навагрудскай ЦРБ. У Карэлічах застаўся ізалятар, куды шпіталізуюць асоб з падазрэннем на COVID-19. А на  базе тэрапеўтычнага аддзялення праводзяць рэабілітацыю: фізіяпрацэдуры, лячэбную фізкультуру, дыхальную гімнастыку.

 

Заўсёды на вахце тры экіпажы хуткай медыцынскай дапамогі. Старшы фельчар аддзялення ХМД Таццяна Арцюх тут ужо больш як 20 гадоў.

 

фоторепортаж Карэлицкая ЦРБСтаршы фельчар аддзялення ХМД Таццяна Арцюх (злева) і медсястра па прыёму выклікаў і перадачы іх выязной брыгадзе ХМД Святлана Лапата.

 

Таццяна Арцюх:

 

Пачынала дыспетчарам, потым  працавала ў выязной брыгадзе з аднаго фельчара. Цяпер у нас у такой брыгадзе акрамя кіроўцы яшчэ два фельчары. Ужо 5 гадоў я на пасадзе старшага фельчара. Дзве нашы брыгады працуюць у Карэлічах і адзін пост у пасёлку Мір. Радыус абслугоўвання — 30 кіламетраў.

 

На выездзе адразу бачны вынік тваёй працы. Вельмі прыемна, калі пацыенту ўвачавідкі становіцца лепш, ён табе ўсміхаецца. Для доктара гэта найвялікшая радасць.

 

фоторепортаж Карэлицкая ЦРБ 2Фельчар выязной брыгады аддзялення ХМД Валерыя Бялецкая.

 

Два гады ў аддзяленні гемадыялізу працуе малады доктар Дзмітрый Лісечка. Прыехала разам з Дзмітрыем ў Карэлічы і яго жонка, урач агульнай практыкі Таццяна. Маладой сям’і далі арэнднае жыллё.

 

Таццяна Арцюх:

 

Наша аддзяленне міжраённае. Лечым жыхароў Карэліцкага і Навагрудскага раёнаў. Калі трэба, прыходзім на дапамогу жыхарам Дзятлаўскага і Лідскага.

 

Для пацыентаў, у якіх дыягнаставалі каранавірусную інфекцыю, была арганізавана асобная тэрыторыя, дзе спалучалі лячэнне ад COVID-19 і своечасовае праходжанне працэдуры. На гэтым жа паверсе праводзілася і ачыстка вады. 

 

фоторепортаж Карэлицкая ЦРБ 5Валянцін Сухоцкі, наладчык абсталявання ў аддзяленні гемадыялізу Карэліцкай ЦРБ.

 

Валянцін Сухоцкі, наладчык абсталявання ў аддзяленні гемадыялізу:

 

Ачышчаем ваду, рыхтуем патрэбныя растворы. Усё поруч. Зручна і тое, што пацыентам не трэба ехаць у Гродна ці Мінск. Патрэбныя працэдуры яны могуць атрымаць на месцы.

 

Дваццаць чатыры гады працуе ў Карэліцкай ЦРБ, 15 гадоў узначальвае аддзяленне анестэзіялогіі і рэанімацыі ўрач-анестэзіёлаг-рэаніматолаг Сяргей Пляскач. На яго думку, асабліва цяжка  было вясной мінулага года, калі паступалі першыя пацыенты з каранавіруснай інфекцыяй.

 

фоторепортаж Карэлицкая ЦРБ 6Сяргей Пляскач, загадчык аддзялення анестэзіялогіі і рэанімацыі, урач-анестэзіёлаг-рэаніматолаг Карэліцкай ЦРБ.

 

Сяргей Пляскач:

 

Мы тады не проста працавалі, а жылі ў бальніцы. Да таго ж баяліся заразіць родных і блізкіх. Шмат было і такога, што цяжка растлумачыць. Напрыклад, у хворых на бранхіяльную астму хранічная абструктыўная паталогія чамусьці не дае абвастрэнняў. Каранавірусная інфекцыя вельмі непрадказальная. Пра гэта цяпер многа пішуць і гавораць. Я таксама гэта пацвярджаю: 60–80 % пацыентаў ідуць па агульнай схеме выздараўлення. Астатнія абсалютна непрадказальныя, таму рашэнне шукаем інтуітыўна. Разам.

фоторепортаж Карэлицкая ЦРБ 8


Добавить комментарий


Защитный код
Обновить

При копировании или цитировании текстов активная гиперссылка обязательна. Все материалы защищены законом Республики Беларусь «Об авторском праве и смежных правах».