У Гродзенскім медуніверсітэце адкрылася выстава, прымеркаваная да Дня беларускага пісьменства.
Традыцыйна тут прадстаўлены матэрыялы, якія расказваюць пра айчынных асветнікаў, гуманістаў, а таксама пра найвялікшыя помнікі беларускага пісьменства. Пры гэтым наведвальнікі могуць азнаёміцца і з вельмі рэдкімі выданнямі. Так, упершыню ў Гродне выстаўляюцца богаслужбовыя кнігі і напрастольныя Евангеллі 18–19-га ст. з бібліятэкі Свята-Пакроўскага кафедральнага сабора.
Таксама можна ўбачыць прадметы з фондавых калекцый Гродзенскага дзяржаўнага гісторыка-археалагічнага музея, сярод якіх каштоўныя і рэдкія друкаваныя выданні.