Ангіяграфічны комплекс экспертнага класа адкрылі ў Гродзенскім абласным клінічным кардыялагічным цэнтры.
Комплекс коштам 2,5 млн рублёў набыты за сродкі абласнога бюджэту. Дзякуючы яму гродзенскія ўрачы могуць выконваць увесь спектр ангіяграфічных умяшанняў, што яшчэ больш павялічыць магчымасці ў дыягностыцы і лячэнні пацыентаў.
Гродзенскі абласны клінічны кардыялагічны цэнтр — вядучая ўстанова ў рэгіёне па аказанні кардыялагічнай, кардыяхірургічнай, рэнтгенэндаваскулярнай дапамогі насельніцтву. У яго структуры 13 аддзяленняў, стацыянар разлічаны на 183 ложкі.
Больш чым за 40 гадоў работы кардыяцэнтра ўрачы назапасілі велізарны вопыт і правялі тысячы паспяховых аперацый, у тым ліку з выкарыстаннем унікальных аўтарскіх методык.